Thailand Vakansie Terugvoer

Beste Gerdie

Wil net baie dankie vir jou sê vir 'n wonderlike vakansie. Alles was goed en mooi en lekker Cecilia het my agterna gesê dat sy niks omtrent die vakansie sou verander het nie!

Met ons aankoms in Thailand het ek bietjie gesukkel om die regte shuttle diens te kry. In Retrospek was die mense duidelik sigbaar met hulle "Emirates Holidays" bordjies, maar op daai stadium was daar so baie ander dienste, dat ek die naam wat op die voucher geprint vas, gesoek het, en nie besef het dis een en dieselfde groep nie. Maar dit was vinnig uit gesorteer

Ons het Burasari in Phuket geweldig geniet. Dit is pragtig en die personeel baie vriendelik en hulpvaardig. Hulle het ook n vriendelike pappagaai daar, Paxo, wat ons baie geniet het! (ek moet jou egter sê dat hulle besig met verbeteringe is en partydae met jack hammers etc gewerk het. Ons is gemaklik en nie gepla nie, maar dit kan dalk party mense ongelukkig maak)

Ek was in Januarie ook in Phuket en het toe tuis gegaan by die Banthai beach resort, en kan dit ook aan beveel, Baie modern en ook sentraal geleë, sou jy dalk nog opsies wou naspeur vir soort gelyke vakansies

Zeavola was regtig spesiaal gewees. Ek verstaan nou hoekom jy dit so hoog aangeskryf het! Phi Phi is beautiful. Die derde aand reëling het toe nie regtig uitgewerk nie, want die hotel se boot vertrek daagliks 10 uur vanaf Phi Phi terug Phuket toe, so ons moes op dag twee in elk geval van 12 uur die middag af tyd naby die lughawe spandeer. Ons het daar by die airport hotel ingeboek en die dame van Zeavola en Emirates holidays het vir ons die reëlings getref, so alles het op die ou end glad verloop. Die boot se vertrek tye is egter dalk iets om in gedagte te hou met die Phi-Phi reëlings in die toekoms.

Weereens baie dankie, ons het lekker vakansie gehou. Dubai reëlings het ook glad verloop, maar dit was half weird met die Ramadaan reëls etc. Maar jy het ons gewaarsku, so ons was voor bereid.

Groetnis Albert